ሥርዓተ ቅዳሴ
በስመ አብ ወወልድ ወመንፈስ ቅዱስ አሐዱ አምላክ አሜን፡፡
ይ.ካ. ሚመጠን ...፡፡
ሰኞ፤ ማክሰኞ፤ ኀሙስ
ይ.ሕ. ሃሌ ሉያ፤ እምነ በሓ ቅድስት ቤተ ክርስቲያን ሥርጉት አረፋቲሃ ወሥዕልት በዕንቈ ጳዝዮን፡፡ እምነ በሓ ቅዱስ ቤተክርስቲያን፡፡
ረቡዕ፤ ዐርብ፤ ቅዳሜ
ይ.ሕ. መስቀል አብርሃ፡፡ በከዋክብት አሠርገወ ሰማየ እምኵሉሰ ፀሐየ አርአየ፡፡ መስቀል አብርሃ በከዋክብት አሠርገወ ሰማየ፡፡
እሑድ
ይ.ሕ. ኵሉ ኵሉ ዘገብራ ለጽድቅ ጻድቅ ውእቱ፡፡ ወዘያከብር ሰንበተ ኢይበል ፈላሲ ዘገብአ ኀበ እግዚአብሔር ይፈልጠኒኑ እምሕዝቡ፤ ኵሉ ዘገብራ ለጽድቅ ጻድቅ ውእቱ ወዘያከብር ሰንበተ፡፡
ዘመነ ትንሣኤ
ይ.ሕ.ሃሌ ሉያ ዮሴፍ ወኒቆዲሞስ ገነዝዎ ለኢየሱስ በሰንዱናት ለዘተንሥአ እሙታን በመንክር ኪን፡፡
ይ.ሕ. አንቲ ወእቱ መሶበ ወርቅ ንጹሕ እንተ ውስቴታ መና ኅቡእ ኅብስት ዘወረደ እምሰማያት ወሃቤ ሕይወት ለኵሉ ዓለም፡፡
ይ.ካ. ቅዳሴ ውኩፍ ....፡፡
ይ.ካ. እግዚአብሔር አምላክነ ...፡
ይ.ካ. ቡሩክ እግዚአብሔር አብ አኃዜ ኵሉ ዓለም አምላክነ፤
ይ.ሕ. አሜን፡፡
ይ.ካ. ወቡሩክ ወልድ ዋሕድ እግዚእነ ኢየሱስ ክርስቶስ መድኃኒነ፤
ይ.ሕ. አሜን፡፡
ይ.ካ. ወቡሩክ መንፈስ ቅዱስ ጰራቅሊጦስ መጽንዒ ወመንጽሔ ኵልነ፤
ይ.ሕ. አሜን፡፡
ይ.ካ. ስብሐት ወክብር ይደሉ ለሥሉስ ቅዱስ አብ ወወልድ ወመንፈስ ቅዱስ ዕሩይ ኵሎ ጊዜ ይእዜኒ ወዘልፈኒ ወለዓለመ ዓለም፡፡ አሜን፡፡
ይ.ካ. አሓዱ አብ ቅዱስ፤ አሓዱ ወልድ ቅዱስ፣ አሓዱ ውእቱ መንፈስ ቅዱስ፡፡
ይ.ሕ. በአማን አብ ቅዱስ፤ በአማን ወልድ ቅዱስ፤ በአማን ውእቱ መንፈስ ቅዱስ፡፡
ይ.ካ. ሰብሕዎ ለእግዚአብሔር ኵልክሙ አሕዛብ፡፡
ይ.ሕ. ወይሴብሕዎ ኵሎሙ ሕዝብ፡፡
ይ.ካ. እስመ ጸንዐት ምሕረቱ ላዕሌነ፡፡
ይ.ሕ. ጽድቁሰ ለእግዚአብሔር ይሄሉ ለዓለም፡፡
ይ.ካ. ስብሐት ለአብ ወወልድ ወመንፈስ ቅዱስ፡፡
ይ.ሕ. ለስብሐት ለአብ ወወልድ ወመንፈስ ቅዱስ፡፡
ይ.ካ. ይእዜኒ ወዘልፈኒ ወለዓለመ ዓለም አሜን ሃሌ ሉያ፡፡
ይ.ዲ. ተንሥኡ ለጸሎት፡፡
ይ.ሕ እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ ምስለ መንፈስከ፡፡
ይ.ካ. ነአኵቶ ለገባሬ ሠናያት ...፡፡
ይ.ዲ. ጸልዩ፤ ኅሡ ወአስተብቍዑ ከመ ይምሐረነ እግዚአብሔር ወይሣሃል ላዕሌነ፤ ወይትወከፍ ጸሎተ ወስእለተ እምነ ቅዱሳኒሁ በእንቲአነ በዘይሴኒ ኵሎ ንንሣእ እምሱታፌ ጊዜ ይረስየነ ድልዋነ ከመ ምሥጢር ቡሩክ ወይሥረይ ለነ ኀጣውኢነ፡፡
ይ.ሕ ኪርያላይሶን፡፡
ይ.ን.ዲ. ተንሥኡ ለጸሎት፡፡
ይ.ሕ እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ ምስለ መንፈስከ፡፡
ይ.ን.ዲ. ወካዕበ ናስተበቍዕ ...፡፡
ይ.ን.ዲ. ጸልዩ በእንተ እለ ያበውኡ መባአ፡፡
ይ.ሕ ተወከፍ መባኦሙ ለአኀው ወተወከፍ መባኦን ለአኃት ለነኒ ተወከፍ መባአነ ወቍርባነነ፡፡
ይ.ካ. ዘአንበርነ ዲበ ዝንቱ ጻሕል ...፡፡
/ዲያቆን ፊቱን ወደ ሕዝበ አዙሮ እንዲህ ይበል/
ይ.ዲ. ትእዛዘ አበዊነ ሐዋርያት፧ ኢያንብር ብእሲ ውስተ ልቡ ቂመ ወበቀለ ወቅንአተ ወጽልአ ላዕለ ቢጹ ወኢላዕለ መኑሂ፡፡
ይ.ዲ. ስግዱ ለእግዚአብሔር በፍርሃት፡፡
ይ.ሕ ቅድሜከ እግዚኦ ንሰግድ ወንሴብሐከ፡፡
ጸሎተ ፍትሐት ዘወልድ
ይ.ካ.ን. እግዚእ እግዚኦ ...፡፡
ይ.ዲ. በእንተ ቅድሳት ሰላማዊት ሰላመ ናስተበቁዕ ከመ እግዚአብሔር ያስተሳልመነ በሣህለ ዚአሁ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ሃይማኖትነ ናስተበቍዕ ከመ እግዚአብሔር የሀበነ እንቲኣሁ ሃይማኖተ በንጹሕ ንዕቀብ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ትዕግሥታተ ነፍሳት ናስተበቍዕ ከመ እግዚአብሔር በኵሉ ምንዳቤነ ፍጻሜ ትዕግስት ይጸግወነ፡፡ይ.ሕ አሜን እዚኦ ተሣሀለነ፤
ይ.ዲ. በእንተ ቅዱሳን ነቢያት ናስተበቍዕ ከመ እግዚአብሔር ምስሌሆሙ ይኈልቈነ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ሐዋርያት ላእካን ናስተበቍዕ ከመ እግዚአብሔር የሀበነ ናሥምር በከመ እሙንቱ አሥመርዎ ወመክፈልቶሙ ይክፍለነ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ቅዱሳን ሰማዕታት ናስተበቍዕ ከመ እግዚአብሔር የሀበነ ንፈጽም ኪያሃ ግዕዘ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ርዕሰሊቃነ ጳጳሳት አባ... ጳጳስነ አባ... ወብፁዕ ናስተበቍዕ ከመ እግዚአብሔር የሀበነ ኪያሆሙ ለነዋኅ መዋዕል በልቡና ያርትዑ ቃለ ሃይማኖት በንጹህ ልብ ዘእንበለ ነውር እስመ እሙንቱ ቀዋምያኒሃ ለቤተ ክርስቲያን፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ቀሳውስት ናስተበቍዕ ከመ እግዚአብ ሔር ኢያሰስል እምኔሆሙ መንፈሰ ክህነት ወጻህቀ ወፍርሃተ ዚኣሁ እስከ ፍጻሜ ይጸጉ ወጻማሆሙ ይትወከፍ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ዲያቆናት ናስተበቍዕ ከመ እግዚአ ብሔር የሀቦሙ ምርዋጸ ፍጹመ ይሩጹ ወበቅድስና ይቅረቡ ጻማሆሙ ወፍቅሮሙ ይዘክር፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ንፍቀዲያቆናት ወአናጉንስጢስ ወመዘ ምራን ናስተበቍዕ ከመ እግዚአብሔር ይሀቦሙ ጻህቀ፤ ሃይማኖቶሙ ይፈጽሙ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ መበለታት ወመአስባት እግዚአብሔር ይስማዕ ስእለቶን ናስተበቍዕ ከመ ወፈድፋደ ጸጋ መንፈስ ቅዱስ ይጸግዎን ውስተ አልባቢሆን ወይተ ወከፍ ጸማሆን፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ደናግል ናስተበቍዕ ከመ እግዚአብሔር የሀቦሙ አክሊለ ድንግልና ወይኩኑ ለእግዚአብሔር ውሉደ ወአዋልደ ወይትወከፍ ጻማሆን፡፡
ይ.ሕ አሜን እዚኦ ተሣሀለነ፤
ይ.ዲ. በእንተ መስተአግሣን ናስተበቍዕ ከመ እግዚአ ብሔር የሀቦሙ አስቦሙ በትዕግስት ይንስኡ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ሕዝባውያን ወመኃይምናን ናስተበቍዕ እግዚአብሔር የሀቦሙ ፍጽምተ ሃይማኖተ ከመ በንጹህ ይዕቀቡ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ንዑሰ ክርስቲያን ናስተበቍዕ ከመ እግዚአብሔር የሀቦሙ መክፈልተ ሠናየ ወሕጽበተ ዳግም ልደት ለሥርየተ ኃጢአት ወበማህተመ ቅድስት ሥላሴ ይቀቦሙ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ መኳንንት ወእለ በሥልጣናት ናስተበ ቍዕ ከመ እግዚአብሔር ጥበበ ወፍርሀተ ዚአሁ የሀቦሙ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ኵሉ ዓለም ናስተበቍዕ ከመ እግዚአብሔር ያቅድም ሀልዮ ወየሀሊ ለለአሐዱ አሐዱ ጻህቆ ዘይሴኒ ወዘይኄይስ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ እለ ይነግዱ በባሕር ወበየብስ ናስተ በቍዕ ከመ እግዚአብሔር በየማነ ሣህል ይምርሆሙ ወያግብኦሙ ኃበ ማህደሪሆሙ በዳህና ወበሰላም፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ርሁባን ወጽሙኣን ናስተበቍዕ ከመ እግዚአብሔር የሀቦሙ ሲሳዮሙ ዘለለ ዕለቱ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ሕዙናን ወትኩዛን ናስተበቍዕ ከመ እግዚአብሔር ፍጡነ ይናዘዞሙ ፍጹመ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ሙቁሓን ሙቁሓን ናስተበቍዕ ከመ እግዚአ ብሔር ይፍትሆሙ እማዕሰሪሆሙ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ጺዉዋን ናስተበቍዕ ዘሙ አንይሚጦሙ በሰላም ወስተ ብሔሮሙ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ሕሙማን ወድውያን ናስተበቍዕ ከመ እግዚአብሔር ፍጡነ ይፈውሶሙ ወይፈኑ ሣህለ ወምህረተ ላዕሌሆሙ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ እለ ኖሙ እምቅድስት ቤተ ክርስቲያን ናስተበቍዕ ከመ እግዚአብሔር ይጸግዎሙ መካነ እረፍት፡፡
ይ.ሕ አሜን እዚኦ ተሣሀለነ፤
ይ.ዲ. በእንተ እለ አበሱ አበዊነ ወአኃዊነ ወአኃቲነ ናስተበቍዕ ከመ እግዚአብሔር ኢይትቀየሞሙ ናህየ ወሣህተ የሀቦሙ እመዓቱ፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ዝናማት ናስተበቍዕ ከመ እግዚአብሔር ይምላእ ኪያሆን እስከ መስፈርት ወዓቅም፡፡
ይ.ሕ አሜን እዚኦ ተሣሀለነ፤
ይ.ዲ. በእንተ ፍሬ ምድር ናስተበቍዕ ከመ እግዚአብሔር የሀባ ፍሬሀ ለምድር ለዘርእ ወለማ እረር፡፡
ይ.ሕ አሜን እዚኦተሣሀለነ፤
ይ.ዲ. ወለኵልነ እለበጸሎት ንስእል ወናስተበቍዕ በመንፈሰ ሰላም ይክድነነ፤ ወይጸግወነ ወያብርህ አዕይንተ አልባቢነ፤ ንቅረብ ወንስአሎ ለእግዚአብሔር አምላክነ ከመ ተሰጢዎ ጸሎተነ ይትወከፍ፡፡
ይ.ካ. ንስግድ፧ /፫ ጊዜ/፡፡
ይ.ሕ ለአብ ወወልድ ወመንፈስ ቅዱስ እንዘ ሠለስቱ አሐዱ፡፡
ይ.ካ. ሰላም ለኪ፡፡
ይ.ሕ ቅድስት ቤተ ክርስቲያን ማኅደረ መለኮት፡፡
ይ.ካ. ሰአሊ ለነ፡፡
ይ.ሕ ድንግል ማርያም ወላዲተ አምላክ፡፡
ይ.ካ. አንቲ ውእቱ፡፡
ይ.ሕ ማዕጠንት ዘወርቅ እንተ ጾርኪ ፍሕመ እሳት፤ ቡሩክ ዘነሥኣ እመቅደስ ዘይሰሪ ኀጢአተ ወይደመስስ ጌጋየ፣ዘውእቱ ዘእግዚአብሔር ቃል ዘተሰብአ እምኔኪ ዘአዕረገ ለአቡሁ ርእሶ ዕጣነ ወመሥዋዕተ ሥሙረ፡፡ ንሰግድ ለከ ክርስቶስ ምስለ አቡከ ኄር ሰማያዊ መንፈስከ ቅዱስ ማሕየዊ እስመ መጻእከ ወመንፈስከ ወአድኀንከነ፡፡
ይ.ን.ዲ. ተንሥኡ ለጸሎተ፡፡
ይ.ሕ እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ ምስለ መንፈስከ፡፡
ይ.ን.ካ. እግዚኣ አእምሮ ...፡፡
ይ.ዲ. ኵሉ ዘኢያፈቅሮ ለእግዚእነ ወመድኀኒነ ኢየሱስ ክርስቶስ ወዘኢየአምን ልደቶ እምማርያም እምቅድስት ድንግል በ፪ ታቦተ መንፈስ ቅዱስ እስከ ምጽአቱ ሐዳስ በከመ ይቤ ጳውሎስ ውጉዘ ለይኩን፡፡
/ዲያቆን ያንብብ መንገለ ምዕራብ/
ይ.ዲ. በረከተ አብ ወፍተ ወልድ ወሀብተ መንፈስ ቅዱስ፤ ዘወረደ ላዕለ ሐዋርያት ንጹሓን በጽርሐ ጽዮን ቅድስት ከማሁ ይረድ ወይትመካህ ላዕሌየ ወላዕለ ኵልክሙ፡፡
ይ.ሕ ቅዱስ ሐዋርያ ጳውሎስ ሠናየ መልእክት ፈዋሴ ድውያን ዘነሣእከ አክሊለ ሰአል ወጸሊ በእንቲአነ ያድኅን ነፍሳተነ በብዝኀ ሣህሉ ወምሕረቱ በእንተ ስሙ ቅዱስ፡፡
ይ.ዲ. ተንሥኡ ለጸሎት፡፡
ይ.ሕ እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ ምስለ መንፈስከ፡፡
ይ.ካ. ኦ አምላክ ዘለዓለም፡፡
/ንፍቀ ዲያቆን ያንብብ መንገለ ሰሜን/
ይ.ን.ዲ.ኦ አኀውየ ኢታፍቅርዎ ለዓለም ወኢዘሀሎ ውስተ ዓለም ዓለሙኒ ኀላፊ ፍትወቱኒ ኅላፊ፤ እስመ ኵሉ ኅላፊ ውእቱ፡፡
ይ.ሕ. ቅዱስ ሥሉስ ዘኅቡር ህላዌከ ዕቀብ ማኀበረነ በእንተ ቅዱሳን ኀሩያን አርዳኢከ ናዝዘነ በሣህልከ በእንተ ቅዱስ ስምከ፡፡
ይ.ዲ. ተንሥኡ ለጸሎት፡፡
ይ.ሕ እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ ምስለ መንፈስከ፡፡
/ንፍቅ ካህን ያንብብ መንገለ ደቡብ/
ይ.ን.ካ.መልዐ ወዐብየ ...
ይ.ሕ. ቅዱስ ቅዱስ ቅዱስ አንተ አምላክ አብ አኃዜ ኵሉ፤ ቅዱስ ቅዱስ ቅዱስ አንተ ወልድ ዋሕድ ዘአንተ ቃለ አብ ሕያው፤ ቅዱስ ቅዱስ ቅዱስ አንተ መንፈስ ቅዱስ ዘተአምር ኵሎ፡፡
ይ.ካ. ኦሥሉስ ቅዱስ መሐረነ፤ ኦሥሉስ ቅዱስ መሀከነ፤ ኦሥሉስ ቅዱስ ተሣሀለነ፡፡
ይ.ካ. ክርስቶስ ተንሥአ እሙታን ሞተ ወኬዶ ለሞት ለእለ ውስተ መቃብር ወሀበ ሕይወተ ዘለዓለም ዕረፍተ፡፡ /በትንሣኤ ወራት/ ሱራፌል ይሰግዱ ሎቱ ወኪሩቤል ይሴብሕዎ ይጸርሑ እንዘ ይብሉ፤ ቅዱስ ቅዱስ ቅዱስ እግዚአብሔር በኀበ አእላፍ ወክቡር በውስተ ረበዋት፡፡ አንተ ውእቱ ዕጣን ዕጣን ኦመድኃኒነ እስመ መጻእከ ወአድኃንከነ ተሣህለነ፡፡
ይ.ካ. ተፈሥሒ ኦማርያም ምልእተ ጸጋ፤
ይ.ሕ. እግዚአብሔር ምስሌኪ፡፡
ይ.ካ. ቡርክት አንቲ እምአንስት
ይ.ሕ. ወቡሩክ ፍሬ ከርሥኪ፤
ይ.ካ. ሰአሊ ወጸልዪ፤
ይ.ሕ. ኀበ ፍቁር ወልድኪ፤
ይ.ካ. ከኢየሱስ ክርስቶስ፤
ይ.ሕ. ከመ ይሥረይ ለነ ኃጣውኢነ፡፡
ይ.ካ. ስብሐት ወክብር ለሥሉስ ቅዱስ ይደሉ አብ ወወልድ ወመንፈስ ቅዱስ ኵሎ ጊዜ ይእዜኒ ወዘል ፈኒ ወለዓለመ ዓለም፡፡
ይ.ዲ. ተንሥኡ ለጸሎት፡፡
ይ.ሕ. እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ. ምስለ መንፈስከ፡፡
ይ.ካ. እግዚአብሔር - እግዚኦ ...፡፡
ይ.ዲ. ጸልዩ በእንተ ወንጌል ቅዱስ፡፡
ይ.ሕ. ይረስየነ ድልዋነ ለሰሚዐ ወንጌል ቅዱስ፡፡
/ይ.ዲ. ቅድመ ወንጌል አእሚሮ ዘለለዕለቱ ይስብክ እምመዝሙረ ዳዊት/
ይ.ዲ. ሃሌ ሉያ ቁሙ ወአጽምኡ ወንጌለ ቅዱስ ዜናሁ ለእግዚእነ ወመድኃኒነ ኢየሱስ ክርስቶስ፡፡
ይ.ካ. እግዚአብሔር ምስለ ኵልክሙ፡፡
ይ.ሕ. ምስለ መንፈስከ፡፡
ይ.ካ. ወንጌል ቅዱስ ...፡፡
ይ.ሕ. ስበሐት ለከ ክርስቶስ እግዚእየ ወአምላኪየ ኵሎ ጊዜ፡፡
ይ.ሕ. /በዘመነ ዕዝል/ ተፈሥሑ በእግዚአብሔር ዘረድአነ ወየብቡ ለአምላክ ያዕቆብ ንሥኡ መዝሙረ ወሀቡ ከበሮ መዝሙር ሐዋዝ ዘምስለ መሰንቆ፡፡
ይ.ካ. /ዘማቴዎስ/ ሰማይ ወምድር የኀልፍ ...፡፡
ይ.ሕ. ነአምን አብ ዘበአማን ወነአምን ወልደ ዘበአማን | ወነአምን መንፈስ ቅዱስ ዘበአማን ህልወ ሥላሴሆ ነአምን፡፡
ይ.ካ. /ዘማርቆስ/ ዘቦ እዝን ሰሚዐ ለይስማዕ፡፡
ይ.ሕ. እሉ ኪሩቤል ወሱራፌል ያዐርጉ ሎቱ ስብሐተ እንዘ ይብሉ ቅዱስ ቅዱስ ቅዱስ አንተ እግዚአብሔር አብ ወወልድ ወመንፈስ ቅዱስ፡፡ /ዘሉቃስ/ ይቀልል ኀልፈተ ሰማይ ...፡፡
ይ.ሕ. መኑ ይመስለከ እምነ አማልክት እግዚኦ፧ አንተ ውእቱ ዘትገብር መንክረ አርአይኮሙ ለሕዝብከ ኃይለከ ወአድኃንኮሙ ለሕዝብከ በመዝራዕትከ፡፡ ሖርከ ውስተ ሲኦል ወአዕረገ ፄዋ እምህየ ወጸጎከነ ምዕረ ዳግመ ግዕዛነ እስመ መጻእከ ወአድኃንከነ፤ በእንተ ዝንቱ ንሴብሐከ ወንጸርኀ ኀቤከ እንዘ ንብል ቡሩክ አንተ እግዚኦ ኢየሱስ ክርስቶስ እስመ መጻእከ ወአድኃንከነ፡፡
ይ.ካ. /ዘዮሐንስ/ ዘየአምን በወልድ ቦ ሕይወት ዘለዓለም፡፡
ይ.ሕ. ቀዳሚሁ ቃል ውእቱ ቃል ቃለ እግዚአብሔር ውእቱ ቃል ሥጋ ኮነ ወኅደረ ላዕሌነ ወርኢነ ስብሐቲሁ ከመ ስብሐተ አሐዱ ዋሕድ ለአቡሁ ቃለ አብ ሕያው ወቃል ማሕየዊ ቃለ እግዚአብሔር ተንሥአ ወሥጋሁኒ ኢማሰነ፡፡
/እምድኅረ ወንጌል/
ይ.ዲ. ጻኡ ንኡሰ ክርስቲያን፡፡
ይ.ዲ. ተንሥኡ ለጸሎት፡፡
ይ.ካ. ወካዕበ ናስተበቍ...
ይ.ዲ. ጸልዩ በእንተ ሰላመ ቤተ ክርስቲያን አሐቲ ቅድስት ጉባኤ እንተ ሐዋርያት ርትዕት በእግዚአብሔር፡፡
ይ.ዲ. ተንሥኡ ለጸሎት፡፡
ይ.ሕ. እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ. ምስለ መንፈስከ፡፡
ይ.ካ. ወካዕበ ...፡፡
ይ.ዲ. ጸልዩ በእንተ ዛቲ ቤተ ክርስቲያን ቅድስት ወማህበርነ ውስቴታ፡፡
ይ.ሕ. ማኅበረነ ባርክ ዕቀብ በሰላም፡፡
ይ.ዲ. ንበል ኵልነ በጥበበ እግዚአብሔር ጸሎተ ሃይማኖት፡፡
ይ.ሕ. ነአምን በአሐዱ አምላክ እግዚአብሐር አብ እምቅድመ ይትፈጠር ዓለም፡፡ ብርሃን ዘእምብርሃን አምላክ ዘእምአምላክ ዘበአማን ዘተወልደ ወአኮ ዘተገብረ ዘዕሩይ ምስለ አብ በመለኮቱ ዘቦቱ ኵሉ ኮነ ወዘእንበሌሁሰ አልቦ ዘኮነ ወኢምንትኒ ዘበሰማይኒ ወዘበምድርኒ፣ ዘበእንቲአነ ለሰብእ ወበእንተ መድኃኒትነ ወረደ እምሰማያት ተሰብአ ወተሰገወ እመንፈስ ቅዱስ ወእማርያም እምቅድስት ድንግል ኮነ ብእሴ፡፡ወተሰቅለ በእንቲአነ በመዋዕለ ጲላጦስ ጴንጤናዊ ሐመ ወሞተ ወተቀብረ፡፡ ወተንሥአ እሙታን ኣመ ሣልስት ዕለት በከመ ጽሑፍ ውስተ ቅዱሳት መጻሕፍት፡፡ ዐርገ በስብሐት ውስተ ሰማያት ወነበረ በየማነ አቡሁ፡፡ ዳግመ ይመጽእ በስብሐት ይኰንን ሕያዋነ ወሙታነ ወአልቦ ማኀላቅት ለመንግሥቱ፡፡ወነአምን በመንፈስ ቅዱስ እግዚእ ማሕየዊ ዘሠረጸ እም አብ /ወወልድ/፤ ንስግድ ሎቱ ወንሰብሖ ምስለ አብ ወወልድ ዘነበበ በነቢያት፡፡ ወነአምን በአሐቲ ቅድስት ቤተ ክርስቲያን እንተ ላዕለ ኵሉ ጉባኤ ዘሐዋርያት፡፡ ወነአምን በአሐቲ ጥምት ለሥርየተ ኃጢአት ወንሴፎ ትንሣኤ ሙን ወሕይወተ ዘይመጽእ ለዓለመ ዓለም፤ አሜን፡፡
ይ.ዲ. ተንሥኡ ለጸሎት፡፡
ይ.ሕ. እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ. ምስለ መንፈስከ፡፡
ይ.ካ. እግዚአብሔር ዐቢይ ...፡፡
ይ.ሕ. ስብሐት ለእግዚአብሔር በሰማያት ወሰላም በምድር ሥምረቱ ለሰብእ፡፡
ይ.ዲ. ጸልዩ በእንተ ሰላም ፍጽምት ወፍቅር ተአምኁ በበይናቲክሙ በአምኃ ቅድሳት፡፡
ይ.ሕ. ክርስቶስ አምላክነ ይረስየነ ድልዋነ ከመ ንትአማኅ በበይናቲነ በአምኃ ቅድሳት፡፡
አኰቴተ ቍርባን ዘአበዊነ ሐዋርያት ቅዱሳን
ይ.ካ. እግዚአብሔር ምስለ ኵልክሙ፡፡
ይ.ሕ. ምስለ መንፈስከ፡፡
ይ.ካ. አእኵትዎ ለአምላክነ፡፡
ይ.ሕ. ርቱዕ ይደሉ፡፡
ይ.ካ. አልዕሉ አልባቢክሙ፡፡
ይ.ሕ. ብነ ኀበ እግዚአብሔር አምላክነ
ይ.ካ. ነአኵተከ እግዚኦ.
ይ.ዲ. በእንተ ብፁዕ
ይ.ካ. ለእሉኒ ...፡፡
ይ.ዲ. በእለ ትነብሩ ተንሥኡ፡፡
ይ.ካ. ሥጋ ኮነ..
ይ.ዲ. ውስተ ጽባሕ ነጽሩ፡፡
ይ.ካ. ለከ ለዘይቀውሙ ቅድሜከ
ይ.ዲ. ንነጽር፡፡
ይ.ካ. ወክቡራን እንስሳከ
ይ.ዲ. አውሥኡ፡፡
ይ.ሕ. ቅዱስ ቅዱስ ቅዱስ ቅዱስ እግዚአብሔር ጸባኦት ፍጹም ምሉዕ ሰማያተ ወምድረ ቅድሳተ ስብሐቲከ፡፡
ይ.ካ. አማን መልአ ...፡፡
ይ.ሕ. ተዘከረነ እግዚኦ በውስተ መንግሥትከ ተዘከረነ እግዚኦ ኦሊቅነ ተዘከረነ እግዚኦ በውስተ መንግሥትከ በከመ ተዘከርኮ ለፈያታዊ ዘየማን እንዘ ሀሎከ ዲበ ዕፀ መስቀል ቅዱስ፡፡
ይ.ካ. ሰፍሐ ...
ይ.ዲ. አንሥኡ እደዊክሙ ቀሳውስት፡፡
ይ.ሕ. ነአምን ከመ ዝንቱ ውእቱ በአማን ነአምን፡፡
ይ.ካ. አንቃዕደወ ....፡፡
ይ.ሕ. አሜን አሜን አሜን ነአምን ወንትአመን ንሴብሐከ ኦአግዚእነ ወአምላክነ ከመ ዝንቱ ውእቱ በአማን /ሥጋከ/ ነአምን፡፡
ይ.ሕ. አሜን አሜን አሜን ነአምን ወንትአመን ንሴብሐከ ኦአግዚእነ ወአምላክነ ከመ ዝንቱ ውእቱ በአማን /ደምከ/ ነአምን፡፡
ይ.ካ. ወሶበ ትገብርዎ ለዝ ተዝካረ ዚአየ ግበሩ፡፡
ይ.ሕ. ንዜኑ ሞተከ እግዚኦ ወትንሣኤከ ቅድስተ ነአምን ዕርገተከ ወዳግመ ምጽአተከ ንሴብሐከ ወንት ንስእለከ ወናስተበቍዐከ አመነከ ኦእግዚእነ ወአምላክነ፡፡
ይ.ካ. ይእዜኒ ...፡፡
ይ.ሕ. አሜን እግዚኦ መሐረነ፤ እግዚኦ መሀከነ፤ እግዚኦ ተሣሀለነ፡፡
ይ.ዲ. በኵሉ ልብ ናስተብቍዖ ለእግዚአብሔር አምላክነ ኀብረተ መንፈስ ቅዱስ ሠናየ ከመ ይጸግወነ፡፡
ይ.ሕ. በከመ ሀሎ ህልወ ወይሄሉ ለትውልድ ትውልድ ለዓለመ ዓለም፡፡
ይ.ካ. ደሚረከ ...፡፡
/ይ.ካ. ወኵሉ ሕዝብ በተባርዮ/
ይ.ካ. ሀበነ ንኅበር በዘዚአከ መንፈስ ቅዱስ፤ወፈውሰነ በዝንቱ ጵርስፎራ፤ከመ ብከ ንሕየው ዘለኵሉ ዓለም፤ ወለዓለመ ዓለም፤ቡሩክ ስሙ ለእግዚአብሔር ወብሩክ ዘይመጽእ በስመ እግዚአብሔር፤ ወይትባረክ ስመ ስብሐቲሁ፤ለይኩን ለይኩን፤ቡሩከ ለይኩን፤ፈኑ ጸጋ መንፈስ ቅዱስ ላዕሌነ፡፡
ይ.ዲ. ተንሥኡ ለጸሎት፡፡
ይ.ሕ. እግዚኦ ተሣሀለነ፡፡
ይ.ካ. ሰላም ለኵልክሙ፡፡
ይ.ሕ. ምስለ መንፈስከ፡፡
ጸሎተ ፈትቶ
ይ.ካ. ወካዕበ ናስተበቍዕ ዘኵሎ ይእኀዝ ...፡፡
ይ.ዲ. ጸልዩ፡፡
ይ.ሕ. አቡነ ዘበሰማያት ይትቀደስ ስምከ፤ ትምጻእ መንግሥትከ ወይኩን ፈቃድከ በከመ በሰማይ ከማሁ በምድር፡፡ ሲሳየነ ዘለለዕለትነ ሀበነ ዮም፤ ኅድግ ለነ አበሳነ ወጌጋየነ ከመ ንሕነኒ ንኅድግ ለዘአበሰ ለነ፤ ኢታብአነ እግዚኦ ውስተ መንሱት፤ አላ አድኅነነ ወባልሐነ እምኵሉ እኩይ፤ እስመ ዚአከ ይእቲ መንግሥት ኃይል ወስብሐት ለዓለመ ዓለም፡፡
ይ.ካ. እግዚአብሔር ዘትነብር ዲበ ፡፡
ይ.ሕ. በከመ ምሕረትከ አምላክነ ወአኮ በከመ አበሳነ /፫ ጊዜ/
/ወይበሉ በተባርዮ/
ሰራዊተ መላእክቲሁ ለመድኃኔ ዓለም ዬ ዬ ዬ ይቀውሙ ቅድሜሁ ለመድኃኔ ዓለም፡፡ ወይኬልልዎ ለመድኃኔ ዓለም ዬ ዬ ዬ፤ ሥጋሁ ወደሙ ለመድኃኔ ዓለም፡፡ ወንብጻሕ ቅድመ ገጹ ለመድኃኔ ዓለም፤ ዬ ዬ ዬ፤ በአሚነ ዚአሁ ሐዋርያት ተለዉ አሠሮ፡፡
ይ.ዲ. ስግዱ ለእግዚአብሔር በፍርሃት፡፡ ይ.ሕ. ቅድሜከ እግዚኦ ንሰግድ ወንሴብሐከ፡፡
ጸሎተ ንስሐ ዘቅዱስ ባስልዮስ
ይ.ካ. እግዚአብሔር እግዚኦ
ይ.ዲ. ነጽር፡፡
ይ.ካ. ቅድሳት ለቅዱሳን፡፡
ይ.ሕ. አሐዱ አብ ቅዱስ፣ አሐዱ ወልድ ቅዱስ፣ አሐዱ ውእቱ መንፈስ ቅዱስ፡፡
ይ.ካ. እግዚአብሔር ምስለ ኵልክሙ፡፡
ይ.ሕ. ምስለ መንፈስከ፡፡
ይ.ካ. እግዚኦ መሐረነ ክርስቶስ /፲ወ፪ ጊዜ/
ይ.ዲ. እለ ውስተ ንስሓ ሀለውክሙ አትሕቱ ርእሰክሙ ::
ይ.ካ. እግዚአበሔር አምላክነ
ይ.ዲ. ተንሥኡ ለጸሎት፡፡
ይ.ሕ. እግዚኦ ተማሀለነ፡፡
ይ.ካ. ሰላም ለኵልክሙ፡፡
ይ.ሕ. ምስለ መንፈስከ፡፡
ይ.ካ. ሥጋ ቅዱስ ...፡፡
ይ.ሕ. አሜን፡፡
ይ.ካ. ደም ክቡር ...፡፡
ይ.ሕ. አሜን፡፡
ይ.ካ. እስመ ዝንቱ ...፡፡
ይ.ሕ. አሜን፡፡
ይ.ካ. አአምን አአምን አአምን
ይ.ሕ. አሜን፡፡
ይ.ካ. አአምን አአምን አአምን ...፡፡
ይ.ሕ. አሜን፡፡
ይ.ካ. አአምን አአምን አአምን ...፡፡
ይ.ሕ. አሜን፡፡
ይ.ካ. እግዚአብሔር አምላክነ ናሁ ....፡፡
ይ.ሕ. ኦ እግዚእየ ኢየሱስ ክርስቶስ ናሁ ተመጦኩ ንጹሐ ሥጋከ ወክቡረ ደመከ ይኩነኒ ለስርየተ ኃጢአትየ ወኩሉ አበሳ፡፡ ኦወልድ ዋሕድ ወመፍቀሬ ሰብእ ምላእ አፉየ ስብሐቲከ ከመ እሰብሕ አኰቴተከ እስመ አንተ በቀዳሚ ዘተሰባእከ ቦቱ ከመ ታድኅነኒ እስከ ለዓለመ ዓለም :: አሜን፡፡ ስብሐት ለከ ኦእግዚእየ ወአምላኪየ ኢየሱስ ክርስቶስ ዘወሀብከኒ ዕሩየ ፈውሰ በእዴሁ ለገብርከ፡፡ _ እሴብሐከ ወእስእለከ ከመ እኩን ውስተ መርዓቲከ ወከመ ተኈልቈኒ ምስለ አባግዒከ ወትትወከፈኒ፡፡ ይእዜኒ ኢትዝክር ሊተ አበሳየ፡፡ ኣአኩቶ ለጸጋ ዚአከ ዘተዉሀበ ሊተ ወለረድኤተከ እንተ ኮነት ምስልየ፡፡ እጼሊ ኀበከ ወእስለከ ኦእግዚእየ ወአምላኪየ ኖላዊ ኄር ዘአፈቀርከ መርዔተከ ወመጠውከ ነፍሰከ ቤዛ አባግዒከ ከመ ተሀበኒ ሥጋከ መብልዐ ፅድቅ ወደመከ ስቴ ሕይወት ዘለዓለም፡፡ ወከዐበ እስእለከ ኦእግዚኦ ወአስተበቁዐከ ከመ ኢይግእዝ ወኢያርስሕ ነፍስየ ወስጋየ ዘንተ ሥጋከ ወደምከ ዘነሣእኩ አላ ይኩነኒ ዘያሐይወኒ ወዘያጥዕየኒ ወዘያሌብወኒ ፈሪሀ ዚአከ ወዘይሜህርኒ አፍቅሮትከ ከመ አድሉ ለከ ወኩሉ መዋዕለ ሕይወትየ ወእሰብሕከ እንበለ አጽርዖ፡፡ ኦ እግዚኦ አንፅሓ ለነፍስየ ወካዕበ አጽርያ ከመ ትኩን ለከ መሥዋዕተ ወረስዮ ለልብየ ይሕየው ወይሕድር ይይምላእ ላዕሌሁ መንፈስ ቅዱስ እስመ ሥጋከ ወደመከ ነሣእኩ በተአምኖ ወተመጠውኩ በእደ ካህናቲከ ወበላዕኩ እስመ ለከ ስብሐት ለዓለመ ዓለም፡፡ አሜን፡፡
ይ.ዲ. ጸልዩ በእንቲአነ ወበእንተ ኵሉሙ ሕዘበ ክርስቲያን ኢለ ይቤሉነ ግበሩ ተዝካሮሙ በሰላም ወበፍቅረ ኢየሱስ ክርስቶስ ሰብሑ ወዘምሩ፡፡
ይ.ካ. እለ ጸዋዕከ እግዚኦ ወእለ ...፡፡
ይ.ሕ. ቅዱስ ቅዱስ ቅዱስ፤ ሥሉስ ዘኢይትነገር ሀበኒ ከመ እንሣእ ለሕይወት ዘንተ ሥጋ ወደመ ዘእንበለ ኵነኔ፡፡ ሀበኒ እግበር ፍሬ ዘያሠምረከ ከመ አሰተርኢበስብሐቲከ ወእሕየው ለከ እንዘ እገብር ዘዚአከ ፈቃደ ፤ በተአምኖ እጼውዐከ አብ ወእጼውዕ መንግሥተከ፤ ይትቀደስ እግዚኦ ስምከ በላዕሌየነ፤ እስመ ኃያል አንተ እኩት ወስቡሕ፤ ወለከ ስብሐት ለዓለመ ዓለም፡፡
ይ.ካ. ዝውእቱ ...፡፡
ይ.ሕ. አሜን በአማን አመንኩ፡፡
ይ.ዲ. ነአኵቶ ለእግዚአብሔር ቅድሳቶ ነሢአነ ከመ ለሕይወተ ነፍስ ይኩነነ ፈውስ፣ ዘተመጦነ ንስእል ወንትመሐጸን እንዘ ንሴብሖ ለእግዚአብሔር አምላክነ፡፡
ይ.ካ. አሌዕለከ ...፡፡
ይ.ሕ. አቡነ ዘበሰማያት ኢታብአነ እግዚኦ ውስተ መንሱት፡፡
ይ.ዲ. ተመጦነ ሥጋሁ ቅዱስ ወእምደሙ ክቡር ለክርስቶስ፡፡
ይ.ካ. ኵሎ አሚረ እባርከከ ...፡፡
ይ.ሕ. ኣቡነ ዘበሰማያት ...፡፡
ይ.ዲ. ወናኢክቶ ይደልወነ ከመንሳተፍ ሚስጢረ ክብርተ ወቅድስተ፡፡
ይ.ካ. ስብሐተ እግዚአብሔር ይነግር ...፡፡
ይ.ሕ. አቡነ ዘበሰማያት ...፡፡
ንዳፌ ነፍስ
ይ.ካ. እግዚአብሔር ዘኵሎ ...፡፡
ይ.ሕ. ሃሌ ሉያ ሃሌ ሉያ አቡነ ዘበሰማያት ይትቀደስ ስምከ፣ ሥረይ ለነ ኵሎ አበሳነ፣ ኢታብአነ ውስተ መንሱት፣ እግዚኦ አድኀነነ እምዕ ለት እኪት ወባልሐነ እምኵሉ መንሱት፡፡
ቡራኬ
ይ.ካ. ኦ ንጉሠ ሰላም ...፡፡
ይ.ዲ. አድንኑ አርእስቲክሙ ኀበ እግዚአብሔር አምላክነ በእደ ገብሩ ካህን ከመ ይባርክሙ፡፡
ይ.ሕ. አሜን እግዚአብሔር ይባርከነ ወይሣሀለነ፡፡
ይ.ካ. ኦ እግዚኦ ...፡፡
ይ.ካ. እግዚአብሔር ምስለ ኵልክሙ፡፡
ይ.ሕ. ምስለ መንፈስስክ፡፡
ይ.ሕ. አሜን፤ እግዚአብሔር ይባርከነ ለአግብርቱሁ በሰላም፤ሥርየተ ይኩነነ ዘተመጦነ ሥጋከወደመ አብሐነ በመንፈስ ንኪድ ኵሎ ኃይሎ ለጸላኢ፣በረከተ እዴከ ቅድስት እንተ ምልእተ ምሕረት ኪያሃ ንሴፎ ኵልነ እምኵሉ ምግባረ እኩይ አግሕሠነ፣ወውስተ ኵሉ ምግባረ ሠናይ ደምረነ፣ቡሩክ ዘወሀበኑ ወህይ ወተ ረከብነ በኃይለ መስቀሉ ለኢየሱስ ክርስቶስ፡፡ ኪያከ እግዚኦ ነአኩት ነሢአነ ጸጋ ዘእመንፈስ ቅዱስ፡፡
ይ.ዲ. እትዉ በሰላም፡፡
አኰቴተ ቍርባን ዘእግዝእትነ ማርያም ወላዲተ አምላክ 1
ይ.ካ. ጐሥዐ ልብየ ቃለ ሠናየ ...
ይ.ዲ. በእንተ ብፅዕት ወፍሥሕት ወስብሕት በኵለ ቡርክት ወንጽሕት እግዝእትነ ወላዲተ አምላክ ማርያም ድንግል፡፡ ወበእንተ ቅዱሳን መንፈሳውያን ሊቀነ መላእክት ሰማያውያን ወኀያላን፡፡ ወሰባኪ ወጸያሔ ፍኖት ዮሓንስ መጥምቅ፡፡ ወበእንተ ቅዱሳን ስቡሐን ወላእካን ማቴዎስ ወማርቆስ፣ ሉቃስ ወዮሓንስ፣፬ወንጌላውያን፡፡በእንተ ቅዱሳን አግብርቲከ፧ ፊሊጶስ ወበርቶሎሜዎስ፣ ቶማስ ወማቴዎስ ወያዕቆብ ወልደ እልፍዮስ እኁሁ ለእግዚእነ ኤጲስ ቆጶስ ዘኢየሩሳሌም፣ ታዴዎስ ወስምዖን ወማትያስ ፲ወ፪ ዲያቆናት ወቀዳሜ ሰማዕት፡፡ ወበእንተ ኵሎሙ ቅዱሳን ወሰማዕት እለ አዕረፉ በርትዕት ሃይማኖት ጳውሎስ ጢሞቴወስ ሲላስ ወበርናባስ፣ቲቶ ፊልሞና ወቀሌምንጦስ፣፸ወ፪ አርድእት ፭፻ቢጽ ፫፻ወ፰ ርቱዓነ ሃይማኖት፡፡ ለእሉኒ ወለኵሎሙ ተዘከሮሙ ለከ እግዚኦ፡፡ ለብፁዕ ወለቅዱስ ሊቀ ጳጳሳት አባ /እገሌ ወብፁዕ ጳጳስ አባ /እገሌ/ ከመ ትዕቀቦሙ በሕይ ወቶሙ ወታድኅኖሙ ወትሰረይ ሎሙ ኃጢአቶሙ ወትምሐረነ ኪያነሂ በጸሎተ ዚአሆሙ ለዓለመ ዓለም፡፡
ምስባክ ዘሰናብት
1. ዘዮሓንስ /መዝ 64/65/፡ 11-12/
ወትባርክ አክሊለ ዓመተ ምሕረትከ፤
ወይጸግቡ ጠላተ ገዳም፤
ወይረውዩ አድባረ በድው፡፡
/መዝ 30/31/፡23/
አፍቅርዎ ለእግዚአብሔር ኵልክሙ ጻድቃኑ፤
እስመ ጽድቀ የሐሥሥ እግዚአብሔር፤
ወይትቤቀሎሙ ለእለ የሐሥሡ ትዕቢተ ፈድፋደ፡፡
2. ዘዘካርያስ /መዝ 9፡11-12/
ወንግርዎሙ ለአሕዛብ ምግባሮ፤
እስመ ተዘከረ ዘይትኀሠሥ ደሞሙ፧
ወኢረስዐ አውያቶሙ ለነዳያን፡፡
3. ዘፍሬ /መዝ 66/67/፡6-7/
ምድርኒ ወሀበት ፍሬሃ ፤
ወይባርከነ እግዚአብሔር አምላክነ፤
ወይባርከነ እግዚአብሔር፡፡
4. ዘሕንጼሐ /መዝ 77/78/፡68-69
ደብረ ጽዮን ዘአፍቀረ፤
ሐነጸ መቅደሶ በአርያም፤
ወሣረራ ውስተ ምድር ለዘዓለም፡፡
5. ዘመስቀል /መዝ 59/60/ ፡4/
ወወሀብኮሙ ትእምርተ ለእለ ይፈርሁከ፧
ከመ ያምሥጡ እምገጸ ቅስት፤
ወይድኀኑ ፍቁራኒከ፡፡
/መዝ 32/33/፡7-8/
ዘያስተጋብኦ ከመ ዝቅ ለማየ ባሕር፤
ወይሠይሞሙ ውስተ መዛግብተ ቀላያት፤
ትፈርሆ ለእግዚአብሔር ኵላ ምድር፡፡
6. ዘትብሎ መርዓት /መዝ 21/22/፡ 10-11/
ላዕሌከ ተገደፍኩ እማኀፀን፤
እምከርሠ እምየ አንተ አምላኪየ፤
ኢትርሐቅ እምኔየ እስመ አልጸቁ እትመነደብ፡፡
7. ዘጽጌ 1 /መዝ 127/128/፡ 2-3/
ፍሬ ፃማከ ተሴሰይ፤
ብፁዕ አንተ ወሠናይ ለከ፤
ብእሲትከ ከመ ወይን ሥሙር ውስተ ጽርሐ ቤትከ፡፡
/መዝ 103/104/፡13-14/
ዘይሰቅዮሙ ለአድባር እምውሣጥያቲሆሙ፤
እምፍሬ ተግባርከ ትጸግብ ምድር፤
ዘያበቍል ሣዕረ ለእንስሳ፡፡
8. ዘጽጌ 2 /መዝ 73/74/፡ 16-17/
አንተ ፈጠርከ ፀ የ ወወርኀ
ወአንተ ገበርከ አድባረ ወምድረ ኵሎ፤
ክርምተ ወሐጋየ ዘአንተ ፈጠርከ፡፡
መዝ 14/15/፡ 1-2/
እግዚኦ መኑ የኀድር ውስተ ጽላሎትከ፤
ወመኑ ያጸልል ውስተ ደብረ መቅደስከ
ዘየሐውር በንጹሕ ወይገብር ጽድቀ፡፡
9. ዘጽጌ 3 /መዝ 79/80/፡ 8/
ዐጸደ ወይን አፍለስከ እምግብጽ፤
ሰደድከ አሕዛበ ወተከልከ ኪያሃ ፤
ወጺሕከ ፍኖተ ቅድሜሃ፡፡
/መዝ 64/65/ ፡ 10/
አርውዮ ለትለሚሃ፤
ወአሥምሮ ለማዕረራ፤
ወበነጠብጣብከ ትበቍል ተፈሢሐ፡፡
10. ዘጽጌ 4 መዝ 1፡3/
ወይከውን ከመ ዕፅ እንተ ትክልት ኀበ ሙሐዘ ማይ፤
እንተ ትሁብ ፍሬሃ በበጊዜሃ ፤
ወቈጽላኒ ኢይትነገፍ፡፡
11. .ዘአስተምሕሮ 1 /መዝ 78/79/ ፡ 8/
ኢትዝክር ለነ አበሳነ ዘትካት
ፍጡነ ይርከበነ ሣህልከ እግዚኦ
እስመ ተመንደብነ ፈድፋደ፡፡
/መዝ 64/65/፡ 11-12/
ወይጸግቡ ጠላተ ገዳም፤
ወይረውዩ አድባረ በድው፤
ይትሐሠዩ አውግር ወይቀንቱ፡፡
12. .ዘአስተምሕሮ 2 /መዝ 134/135/፡ 6/
ኵሎ ዘፈቀደ ገብረ እግዚአብሔር፤
በሰማይኒ ወበምድርኒ፧
በባሕርኒ ወበኵሉ ቀላያት፡፡
13. ዘአስተምሕሮ 3 /መዝ 40/
ንዑ ትርአዩ ግብሮ ለእግዚአብሔር፤
ዘገብረ መንክረ በዲበ ምድር፤
ይስዕር ጸብአ እም አጽናፈ ምድር
ቅረቡ ኀቤሁ ወያበርህ ለክሙ
ወኢይትኀፈር ገጽክሙ፤
ዝንቱ ነዳይ ጸርኀ ወእግዚአብሔር ስምዖ፡፡
/መዝ 33/34/፡ 1-2/
እባርኮ ለእግዚአብሔር በኵሉ ጊዜ፤
ወዘልፈ ስብሐቲሁ ውስተ አፉየ፤
በእግዚአብሔር ትከብር ነፍስየ፡፡
14. ዘአስተምሕሮ 4 /መዝ 4፡2-3/
ደቂቀ ዕጓለ እመሕያው እስከ ማእዜኑ ታከብዱ ልበክሙ፤
ለምንት ታፈቅሩ ከንቶ ወተሐሱ ሐሰተ፤
አእምሩ ከመ ተሰብሐ እግዚአብሔር በጻድቁ፡፡
/መዝ 101/102/፡ 13/
ተንሥእ እግዚኦ ወተሠሃላ ለጽድን፤
እስመ ጊዜሃ ውእቱ ከመ ትሠሃላ፤
ወበጽሐ ዕድሜሃ፡፡
15. ዘደብርዘይት /መዝ 113/114/፡ 17-18/
ዘአኮ ሙታን ይሴብሑከ እግዚኦ
ወኢኵሎሙ እለ ይወርዱ ውስተ ሲኦል፤
ንሕነ ሕያዋን ንባርኮ ለእግዚአብሔር፡፡
/መዝ 49/50/፡ 4-5/
ይጼውዓ ለሰማይ በላዕሉ፤
ወለምድርኒ ከመ ይኰንን ሕዝቦ፤
አስተጋብኡ ሎቱ ጻድቃኑ፡፡
16. ዘስብከት /መዝ 143/144/፡ 7/
ፈኑ እዴከ እምአርያም፤
አድኅነኒ ወባልሐኒ እማይ ብዙኅ፤
ወእምእደሆሙ ለደቂቀ ነኪር፡፡
17. ዘብርሃን /መዝ 42/43፡ 3/
ፈኑ ብርሃነከ ወጽድቀከ፤
እማንቱ ይምርሓኒ ወይሰዳኒ ደብረ መቅደስከ፤
ወውስተ አብያቲከ እግዚኦ፡፡
18. ዘኖላዊ /መዝ 79/80/፡ 1/
ኖላዊሆሙ ለእስራኤል አጽምዕ፤
ዘይርእዮሙ ከመ አባግዐ ዮሴፍ፤
ዘይነብር ላዕለ ኪሩቤል አስተርአየ፡፡
19. ዘመርዓዊ /መዝ 79/80/፡ 1-2/
ዘይነብር ላዕለ ኪሩቤል አስተርአየ፤
በቅድመ ኤፍሬም ወብንያም ወምናሴ፤
አንሥእ ኃይለከ ወነዓ አድኅነነ፡፡
20. ዘልደት 1 /መዝ 71/72/፡ 10-14/
ነገሥተ ተርሴስ ወደሰያት አምኃ ያበውኡ፤
ነገሥተ ሳባ ወዐረብ ጋዳ ያመጽኡ፤
ወይሰግዱ ሎቱ ኵሎሙ ነገሥተ ምድር፡፡
21. /መዝ 97/98/፡ 2-3/
አርአየ እግዚአብሔር አድኅኖቶ፤
ወበቅድመ አሕዛብ ከሠተ ኪዳኖ፤
ወተዘከረ ሣህሎ ለያዕቆብ፡፡
22. ዘልደት 2 /መዝ 87/88/፡ 27-28/
ወአነሂ በኵርየ እሬሰዮ፤
ወልዑል ውእቱ እምነገሥተ ምድር፤
ወለዓለም አዐቅብ ሎቱ ሣህልየ፡፡
23. ዘጥምቀት /መዝ 76/77/፡ 16/
ርእዩከ ማያት እግዚኦ፤
ርእዩከ ማያት ወፈርሑ፤
ደንገፁ ቀላያተ ማያት ወደምፀ ማያቲሆሙ፡፡
24. /መዝ 113/114/፡ 3-4/
ባሕርኒ ርእየት ወጐየት፤
ወዮርዳኖስኒ ገብአ ድኀሬሁ፤
አድባር አንፈርዐጹ ከመ ሐራጊት፡፡
25. /ለእመ ኮነ ሰንበት፤ መዝ 28/29/፡ 3- /
ቃለ እግዚአብሔር ላዕለ ማያት፤
አምላከ ስብሐት አንጐድጐደ፤
እግዚአብሔር ላዕለ ማያት ብዙኅ፡፡ /ማኀሌት/
26. ዘአስተርእዮ 1 /መዝ 65/66/፡ 12-13/
አኀለፍከነ ማእከለ እሳት ወማይ፤
ወአውፃእከነ ውስተ ዕረፍት፤
እበውእ ቤተከ ምስለ መባእየ፡፡
27. ዘአስተርእዮ 2 /መዝ 86/87/፡ 5-6/
እምነ ጽዮን ይብል ሰብእ፤
ውብእሲ ተወልደ በውስቴታ፤
ወውእቱ ልዑል ሣረራ፡፡
/መዝ 70/71/፡ 1-2/
ኪያከ ተወከልኩ እግዚኦ ወኢይትኅፈር ለዓለም፤
ወበጽድቅከ አንግፈኒ፤
አፅምእ እዝነከ ኀቤየ ወፍጡነ አድኅነኒ፡፡
28. ዘአስርእዮ /ለእመ ኮነ ሰንበት/ /መዝ 147፡1-2/
ትሴብሖ ኢየሩሳሌም ለእግዚአብሐር፤
ወስብሒዮ ለአምላክኪ ጽየን፤
እስመ አጽንዐ መናስግተ ሆኃቲከ፡፡ /ማኀሌት/
29. /መዝ 47/48/፡ 8/
በከመ ሰማዕነ ከማሁ ርኢነ፤
በሀገረ እግዚአ ኃያላን፤ በሀገረ አምላክነ፤
እግዚአብሔር ሣረራ ለዓለም፡፡ /ቅዳሴ/
30. ዘአስተርእዮ 3 / መዝ 95/96/፡ 5-6/
እግዚአብሔርሰ ሰማያተ ገብረ፤
አሚን ወሠናይት ቅድሜሁ፤
ቅድሳት ወዕበየ ስብሐት ውስተ መቅደሱ፡፡
31. ዘስምዖን /መዝ 44/45/፡ 1/
ጐሥዐ ልብየ ቃለ ሠናየ
ወአነ አየድዕ ግብርየ ለንጉሥ
ከመ ቀለመ ጸሐፊ ዘጠበጠበ ይጽሕፍ ልሳንየ፡፡
32. ዘአስተርእዮ 4 /መዝ 95/96/፡ 7-8/
አምጽኡ ለእግዚአብሔር በሐውርተ አሕዛብ፤
አምጽኡ ለእግዚአብሔር ክብረ ወስብሐተ፤
አምጽኡ ለእግዚአብሔር ስብሐተ ለስሙ፡፡
33. ዘአስተርእዮ 5 /መዝ 89/90/፡ 2/
ዘእንበለ ይቁም አድባር ወይትፈጠር ዓለም ወምድር
እምቅድመ ዓለም ወእስከ ለዓለም አንተ ክመ
ኢትሚጦ ለሰብእ ለሐሣር፡፡
34. ዘእግዚእ የካቲት 29 /እሑድ ከሆነ/ /መዝ 2፡7-8/
እግዚአብሔር ይቤለኒ ወልድየ አንተ፤
ወአነ ዮም ወለድኩከ፤
ሰአል እምኔየ እሁበከ አሕዛበ ለርስትከ፡፡
35. ዘማኀበር /መዝ 67/68/፡ 26-27/
በማኀበር ባርክዎ ለእግዚአብሔር፤
ወለአምላክነ በእንቅዕተ እስራኤል፤
ህየ ብንያም ወሬዛ በኀይሉ፡፡
36. ዘቅበላ /መዝ 46/47/፡ 3-4/
አግረረ ለነ አሕዛብ ወሕዝበ ታሕተ እገሪነ፤
ወኀረየነ ሎቱ ለርስቱ፤
ሥኖ ለያዕቆብ ዘአፍቀረ፡፡
37. /መዝ 2፡11-12/
ተቀነዩ ለእግዚአብሔር በፍርሀት፤
ወተሐሠዩ ሎቱ በረዐድ፤
አጽንዕዋ ለጥበብ ከመ ኢይትመዐዕ እግዚአብሔር፡፡
38. ዘቅድስት /መዝ 104/105/፡ 1-2/
ግነዩ ለእግዚአብሔር ወጸውዑ ስሞ፤
ወንግርዎሙ ለአሕዛብ ምግባሮ፤
ሰብሑ ወዘምሩ ሎቱ፡፡
39. ዘምኵራብ /መዝ 68/69/፡ 9-10/
እስመ ቅንአተ ቤትከ በልዐኒ፤
ትዕይርቶሙ ለእለ ይትዔየሩከ ወድቀ ላዕሌየ፤
ወቀጻዕክዋ በጾም ለነፍስየ፡፡
40. ዘመጻጕዕ /መዝ 40/41/፡ 3-4/
እግዚአብሔር ይረድኦ ውስተ ዐራተ ሕማሙ፤
ወይመይጥ ሎቱ ኵሎ ምስካቢሁ እምደዌሁ፤
አንሰ እቤ እግዚኦ ተሣሃለኒ፡፡
41. ዘደብረዘይት /መዝ 49/50/፡ 3/
እግዚአብሔርሰ ገሀደ ይመጽእ፧
ወአምላክነሂ ኢያረምም፤
እሳተ ይነድድ ቅድሜሁ፡፡
42. ዘገብር ኄር /መዝ 36/377፡ 11-12/
ይትሌቃሕ ኃጥእ ወኢይፈዲ
ወጻድቅሰ ይምሕር ወይሁብ፤
እስመ እለ ይባርክዎ ይወርሰዋ ለምድር፡፡
43. ዘኒቆዲሞስ /መዝ 118/119/፡ 62-63/
መንፈቀ ሌሊት እትነሣእ፤
ከመ እግነይ ለከ በእንተ ኵነኔ ጽድቅከ፤
ከማሆሙ አነ ለኵሎሙ እለ ይፈርሁከ፡፡
44. ዘሆሣዕና /መዝ 117/118/፡ 25-26/
ኦ እግዚኦ አድኀንሶ፤
ኦ እግዚኦ ሠርሕሶ፤
ቡሩክ ዘይመጽእ በስመ እግዚአብሔር፡፡
45. /መዝ 117/118/፡ 26-27/
ቡሩክ ዘይምጽእ በስመ እግዚአብሔር፤
ባረክናክሙ እምቤተ እግዚአብሔር፤
እግዚአብሔር እግዚእ አስተርአየ ለነ፡፡
46. ዘትንሣኤ 1 /መዝ 77/78/፡ 65-66/
ወተንሥአ እግዚአብሔር፤ ከመ ዘንቃህ እምንዋም፤
ወከመ ኃያል ወኀዳገ ወይን፤
ወቀተለ ጸሮ በድንሬሁ፡፡
47. ዘዳግም ትንሣኤ 2 /መዝ 117/118/፡ 24-25/
ዛቲ ዕለት እንተ ገብረ እግዚአብሔር፤
ንትፌሣሕ ወንትሐሠይ ባቲ፤
ኦ እግዚኦ አድኀሶ፡፡
48. ዘትንሣኤ 3 /መዝ 11/12/፡ 5-6/
ይእዜ እትነሣእ ይቤ እግዚአብሔር፤
እሬሲ መድኃኒተ ወአግህድ ቦቱ፤
ቃለ እግዚአብሔር ቃል ንጹሕ፡፡
49. ዘትንሣኤ 4 /መዝ 3፡5-6/
አንሰ ሰከብኩ ወኖምኩ፤
ወተንሣእኩ እስመ እግዚአብሔር አንሥአኒ፤
ኢይፈርህ እምአእላፈ አሕዛብ፡፡
50. ዘትንሣኤ 5 /መዝ 106/107/፡ 15-16/
ንግሩ ለእግዚአብሔር ምሕረቶ፤
ወመንክሮሂ ለእጓለ እመሕያው፤
እስመ ሰበረ ኀተ ብርት፡፡
51. ዘትንሣኤ 6 /መዝ 67/68/፡1-2/
ይትነሣእ እግዚአብሔር ወይዘረው ፀሩ፤
ወይጉየዬ ጸላዕቱ እምቅድመ ገጹ፤
ከመ የኀልቅ ጢስ ከማሁ የኀልቁ፡፡
52. ዘትንሣኤ 7 /መዝ 67/68/፡33/
ዘምሩ ለእግዚአብሔር ዘዐረገ ውስተ ሰማይ፤
ሰማይ ዘመንገለ ጽባሕ፤
ናሁ ይሁብ ቃሎ ኃይል፡፡
53. ዘጰራቅሊጦስ 1 /መዝ 50/51/፡11/
ወመንፈሰከ ቅዱስ ኢታውጽእ እምላዕሌየ፤
ዕስየኒ ፍሥሓ ወአድኀኖተከ፤
ወበመንፈስ ዐዚዝ አጽንዐኒ፡፡
54. ዘጰራቅሊጦስ 2 /መዝ 67/68/፡18/
ዐረገ ውስተ አርያም ጼዊወከ ጼዋ፤
ወወሀብከ ጸጋከ ለእጓለ እመሕያው፤
እስመ ይክህዱ ከመ ይኅድሩ፡፡
55. ዘጰራቅሊጦስ 3 /መዝ 50/51/፡11-12/
ኢትግድፈኒ እምቅድመ ገጽከ፧
ወመንፈሰከ ቅዱስ ኢታውጽእ እምላዕሌየ፤
ዕሥየኒ ፍሥሓ ወአድኅኖተከ፡፡
56. ዘጰራቅሊጦስ 4 /መዝ 50/51/፡12-13/
ወበመንፈስ ዐዚዝ አጽንዐኒ፤
ከመ እምሀሮሙ ለኃጥአን ፍኖተከ፤
ወረሲዓን ይትመየጡ ኀቤከ፡፡
57. ዘክረምት 1 /መዝ 88/89/፡2/
እስመ ትቤ ለዓለም አሐንጽ ምሕረተ፤
በሰማይ ጸንዐ ጽድቅከ፤
ኪዳነ ተካየድኩ ምስለ ኅሩያንየ፡፡
58. ዘመብረቅ 2 /መዝ 134/135/፡7/
ያዐርግ ደመናተ እመአጽናፈ ምድር፤
ወገብረ መብረቀ ለጊዜ ዝናም፤
ዘያወፅኦሙ ለነፋሳት እመዛግብቲሆሙ፡፡
59. ዘክረምት 3 /መዝ 45/46/፡5/
ቀደሰ ማኀደሮ ልዑል፤
እግዚአብሔር ውስተ ማእከላ ኢትትሀወክ፤
ወይረድኣ እግዚአብሔር ፍጽመ፡፡
60. ዘክረምት 4 /መዝ 120/121/፡1-2/
አንሳእኩ አዕይንትየ መንገለ አድባር፤
እምአይቴ ይምጻእ ረድኤትየ፤
ረድኤትየሰ እምኀበ እግዚአብሔር፡፡
ምስባክ ዘበዓላት
61. ዘልደታ /መዝ 86/87/፡1-2/
መሠረታቲሃ ውስተ አድባር ቅዱሳን፤
ያበድሮን እግዚአብሔር ለአናቅጸ ጽዮን፤
እምኵሉ ተዓይኒሁ ለያዕቆብ፡፡
62. ዘበአታ /መዝ 65/66/፡13-14/
እበውእ ቤተከ ምስለ መባእየ፤
ወእሁብ ብጽዓትየ ዘነበብኩ በአፉየ፤
ዘእቤ በከናፍርየ አመ ምንዳቤየ፡፡
63. ዘቁስቋም /መዝ 83/84/፡3/
ዖፍኒ ረከበት ላቲ ቤተ፤
ወማዕነቅኒ ኀበ ታነብር እጐሊሃ፤
ምሥዋዒከ እግዚኦ እግዚአ ኀያላን፡፡
64. ዘጽንሰታ /መዝ 45/46/፡4-5/
ፈለግ ዘይውሕዝ ያስተፌጭሕ ሀገረ እግዚአብሔር፤
ቀደሰ ማኀደሮ ልዑል፤
እግዚአብሔር ውስተ ማእከላ ኢትትሀወከ፡፡
65. ዘኪዳነ ምሕረት ሀ. /መዝ 88/89/2-3/
እስመ ትቤ ለዓለም አሐንጽ ምሕረተ፤
በሰማይ ጸንዐ ጽድቅከ፤
ኪዳነ ተካየድኩ ምስለ ኀሩያንየ፡፡
66. /መዝ 67/68/፡ 13/
ክነፈ ርግብ በብሩር ዘግቡር፤
ወገበዋቲሃኒ በሐመልማለ ወርቅ፤
አመ አዘዘ ሰማያዊ ንጉሥ ላዕሌሃ፡፡
67. ዘፍልሰታ /መዝ 44/45/፡9-10/
ወትቀውም ንግሥት በየማንከ፤
በአልባሰ ወርቅ ዑጽፍት ወኁብርት፤
ስምዒ ወለትየ ወርእዪ ወአፅምኢ እዝነኪ፡፡
68. ዘአስተርእዮ /መዝ 86/87/፡3-4/
ነኪር ነገሩ በእንቲአኪ ሀገረ እግዚአብሐር እዜከሮን ለረዓብ ወለባቢሎን እለ የአምራኒ፤
ወናሁ ኢሎፍሊ ወጢሮስ ወሕዝበ ኢትዮጵያ፡፡
69. ዘጽዮን ማርያም ሀ. /መዝ 131/132/፡13-14/
እስመ ኃረየ እግዚአብሔር ለጽዮን፤
ወአብደራ ከመ ትኩኖ ማኀደሮ፤
ዛቲ ይእቲ ምዕራፍየ ለዓለም፡፡
70. /መዝ 86/87/፡5/
እምነ ጽዮን ይብል ሰብእ፤
ወብእሲ ተወልደ በውስቴታ፤
ወውእቱ ልዑል ሣረራ፡፡
71. ዘመላእክት ሀ. /መዝ 33/34/7-8/
ይትዐየን መልአከ እግዚአብሔር ዐውዶሙ ፤
ለእለ ይፈርህዎ ወያድኀኖሙ፤
ጠዐሙ ወታእምሩ ከመ ኄር እግዚአብሐር፡፡
72. /መዝ. 103/104/፡4/
ዘይሬስየሙ ለመላእክቲሁ መንፈሰ፤
ወለእለ ይትለአክዎ ነደ እሳት፤
ሣረራ ለምድር ወአጽንዓ፡፡
73. /መዝ. 102/103/፡20/
ባርክዎ ለእግዚአብሔር ኵልክመ መላእክቲሁ፤
ጽኑዓን ወኃያላን እለ ትገብሩ ቃሎ፤
ወእለ ትሰምዑ ቃለ ነገሩ፡፡
74. ዘነብያት ሀ. /መዝ. 104/105/፡14-15/
ወገሠጸ ነገሥተ በእንቲአሆሙ፤
ኢትግስሱ መሲሐንየ፤
ወኢታሕሥሙ ዲበ ነቢያትየ፡፡
75. /መዝ. 39/40/፡10/
ኢኀባእኩ ውስተ ልብየ ርትዐከ፤
ወነገርኩ አድኀኖተከ፤
ወኢሠወርኩ ሣህለከ ወምሕረተከ እማኀበር ዐቢይ፡፡
76. ዘአበው /መዝ. 104/105/፡9-10/
ዘሠርዐ ለአብርሃም፤
ወመሐለ ለይስሐቅ፤
ወአቀመ ስምዐ ለያዕቆብ፡፡
77. ዘሐዋርያት /መዝ. 18/19/፡3-4/
አልቦ ነገር ወአልቦ ነቢብ ዘኢተሰምዐ ቃሎሙ፧
ውስተ ኵሉ ምድር ወጽአ ነገሮሙ፤
ወእስከ ኣጽናፈ ዓለም በጽሐ ነቢቦሙ፡፡
78. ዘመምህራን /መዝ. 83/84/፡6-7/
እስመ መምህረ ሕግ ይሁብ በረከተ፤
ወየሐውር እምኀይል ውስተ ኀይል፤
ወያስተርኢ አምላክ አማልክት በጽዮን፡፡
79. ዘሰማዕታት ሀ. /መዝ. 65/66/፡12-13/
አኀለፍከነ ማእከለ እሳት ወማይ፤
ወአውፃእከነ ውስተ ዕረፍት፤
እበውእ ቤተከ ምስለ መባእየ፡፡
80. /መዝ. 78/79/፡2-3/
ወሥጋሆሙኒ ለጻድቃኒከ ለአራዊተ ገዳም፧
ወከዐዉ ደሞሙ ከመ ማይ ዐውዳ ለኢየሩሳሌም፡፡
ወረሰዩ አብድንቲሆሙ ለአግበርቲከ መብልዐ ለአዕዋፈ ሰማይ፤
81. /መዝ. 78/79/፡10-11/
በቀለ ደሞሙ ለአገብርቲከ ዘተክዕወ፤
ይባእ ቅድሜከ ገዓሮሙ ለሙቁሓን፤
ወበከመ ዕበየ መዝራዕትከ፡፡
82. ዘካህናት /መዝ. 131/132/፡9-10/
ካህናቲከ ይለብሱ ጽድቀ፤
ወጻድቃኒከ ትፍሥሕተ ይትፌሥሑ፤
በእንተ ዳዊት ገብርከ፡፡
83. ዘደናግል /መዝ. 44/45/፡14-15/
ወይወስዱ ለንጉሥ ደናግለ ድኀሬሃ ወቢጻሂ ይወስዱ ለከ፤
ወይወስድዎን በትፍሥሕት ወበሐሤት፡፡
84. ዘጻድቃን ሀ. /መዝ. 91/92/፡12-13/
ጻድቅስ ከመ በቀልት ይፈሪ፤
ወይበዝኅ ከመ ዘግባ ዘሊባኖስ፤
ትኩላን እሙንቱ ውስተ ቤተ እግዚአብሔር፡፡
85. /መዝ. 111/112/፡6-7/
ዝክረ ጻድቅ ለዓለም ይሄሉ፤
ኢይፈርህ እምነገር እኩይ፤
ጥቡዕ ልቡ ለተወክሎ በእግዚአብሔር፡፡
86. /መዝ. 31/32/፡1-2/
ብፁዓን እለ ተሐድገ ሎሙ ኃጢአቶሙ፤
ወእለ ኢሐሰበ ሎሙ ኵሎ ጌጋዮሙ፤
ብፁዕ ብእሲ ዘኢኈለቈ ሎቱ እግዚአብሔር ኃጢአቶ፡፡
87. ዘመነኮሳት /መዝ. 72/73/፡28/
ሊተሰ ተሊወ እግዚአብሐር ይኄይሰኒ፤
ወትውክልትየኒ ላዕለ እግዚአብሔር፤
ከመ እንግር ኵሎ ስብሐቲሁ፡፡
88. ዘቅ. ዮሴፍ /መዝ. 104/105/፡21-22/
ወረሰዮ እግዚአ ለቤቱ፤
ወአኰነኖ ላዕለ ኵሉ ጥሪቱ፤
ከመ ይገሥጾሙ ለመላእክቲሁ ከማሁ፡፡
89. ዘሥላሴ /መዝ. 32/33/፡5-6/
ሣህሉ ለእግዚአብሔር መልኣ ምድረ
ወበቃለ እግዚአብሔር ጸንዓ ሰማያት፤
ወእምስትንፋስ አፉሁ ኵሎ ኅይሎሙ፡፡
90. ዘሰላም /መዝ. 84/85/፡8/
እስመ ይነብብ ሰላመ ላዕለ ሕዝቡ፤
ላዕለ ጻድቃኑ ወላዕለ እለ ይመይጡ ልቦሙ ኀቤሁ፤
ወባሕቱ ቅሩብ አድኅኖቱ ለእለ ይፈርህዎ፡፡
91. ዘመድኀኔ ዓለም /መዝ. 73/74/፡12-13/
እግዚአብሔርሰ ንጉሥ ውእቱ እምቅድመ ዓለም፤
ወገብረ መድኀኒተ በማዕከለ ምድር፤
አንተ አጽናዕካ ለባሕር በኀይልከ፡፡
92. ዘጸሎተ ሐሙስ /መዝ. 22/23/፡5/
ወሠራዕከ ማእደ በቅድሜየ፤
በአንጻሪሆሙ ለእለ ይሣቅዩኒ፤
ወአጽሐድከ በቅብእ ርእሰየ፡፡
93. /መዝ. 50/51/፡7-8/
ትነዝኀኒ በአዛብ ወእነጽሕ፤
ተኀፅበኒ እምበረድ እጸዐዱ፤
ታሰምዐኒ ትፍሥሕተ ወሐሤተ፡፡
94. ዘቀዳም ሥዑር /መዝ. 3፡5-6/
አንሰ ሰከብኩ ወኖምኩ፤
ወተንሣእኩ እስመ እግዚአብሐር አንሥአኒ፤
ኢይፈርህ እምአእላፍ አሕዛብ፡፡
ምስባክ ዘሙታን
95. /መዝ. 102/103/፡14-15/
ተዘከር እግዚኦ ከመ መሬት ንሕነ፤
ሰብእሰ ከመ ሣዕር መዋዕሊሁ፤
ወከመ ጽጌ ገዳም ከማሁ ይፈሪ፡፡
96. /መዝ. 117/118/፡19-20/
አርኅው ሊተ አናቅጸ ጽድቅ፤
ይባእ ውስቴቶን ወእግነይ ለእግዚአብሐር፤
ዛአንቀጽ እንተ እግዚአብሔር፡፡ /ለእመ ኮነት ብእሲት/
97. /መዝ. 64/65/፡4/
ብፁዕ ዘሃረይኮ ወዘተወከፍኮ፤
ወዘአኅደርኮ ውስተ አዕጻዲከ፤
ጸገብነ እግዚኦ እምበረከተ ቤትከ፡፡
98. /መዝ. 54/55/፡4-5/
ወመጽአኒ ድንጋጼ ሞት፤
ፍርሀተ ወረዓድ አኀዘኒ፤
ወደፈነኒ ጽልመት፡፡
99. /መዝ. 114/115/፡2-3/
ወአጽምአ እዝኖ ኀቤየ፤
ወጸዋዕክዎ በመዋዕልየ፤
አኀዘኒ ጻዕረ ሞት፡፡
100. /መዝ. 21/22/፡15/
ወየብስ ከመ ገልዕ ኀይልየ፤
ወጠግዐ ልሳንየ በጉርዔየ፤
ወአውረድከኒ ውስተ መሬተ ሞት፡፡
101. /መዝ. 38/39/፡12/
እስመ ፈላሲ አነ ውስተ ምድር፤
ወነግድ ከመ ኵሉ አበውየ፤
ሥኅተኒ ከመ አዕርፍ፡፡
102. /መዝ. 101/102/፡11-12/
ወመዋዕልየኒ ከመ ጽላሎት ኀለፈ፤
ወአነሂ ከመ ሣዕር የበስኩ፤
አንተሰ እግዚኦ ለዓለም ትነብር፡፡
103. /መዝ. 114/115/፡7-8/
ግብኢ ነፍስየ ውስተ ዕረፍትኪ ፤
እስመ እግዚአብሔር ረዳእኪ፤
እስመ አድኀና ለነፍስየ እሞት፡፡
104. /መዝ. 88/89/፡47-48/
ቦኑ ለከንቱ ፈጠርኮ ለኵሉ ዕጓለ እመሕያው፤
መኑ ሰብእ ዘየሐዩ ወኢይሬእያ ለሞት፤
ወመኑ ዘያድኅና ለነፍሱ እምእደ ሲኦል፡፡
105. /መዝ. 138/139/፡14-15/
እገኒ ለከ እግዚኦ እስመ ግሩመ ተሰባሕከ፤
መንክር ግብርከ ወነፍስየ ትጤይቆ ጥቀ፤ ወኢይትኀባእ እምኔከ
አዕጽምትየ ዘገበርኮ በኅቡእ፡፡ /ለእመ ካነ ዲያቆን/
106. /መዝ. 26/27/፡ 10-11/
እስመ አቡየ ወእምየ ገደፉኒ፤
ወእግዚአብሔር ተወከፈኒ፤
ምርሐኒ እግዚኦ ፍኖተከ፡፡
107. /መዝ. 30/31/፡1-2/
ኪያከ ተወከልኩ እግዚኦ ወኢይትኀፈር ለዓለም፤
ወበጽድቅከ አንግፈኒ ወባልሐኒ፧
አጽምእ እዝነከ ኀቤየ ወፍጡነ አድኅነኒ፡፡ /ለእመ ኮነ መነኮስ/
108. /መዝ. 141/142/፡6-7/
ነጽር ስእለትየ እስመ ሐመምኩ ፈድፋደ፤
ወአድኅነኒ እምእለ ሮዱኒ እስመ ይኄይሉ፤
ወአውጽኣ እሞቅሕ ለነፍስየ፡፡
109. /መዝ. 37/38/፡21-22/
ወገደፉ እኅዋሆሙ ከመበድን ርኩስ፤
አንተ ኢትግድፈኒ እግዚኦ አምላኪየ ወኢትርኃቅ እምኔየ፤
ወነጽር ውስተ ረዲኦየት እግዚኦ አምላከ መድኃኒትየ፡፡ /ሣልስት/
110. /መዝ. 87/88/፡6-7/
ወአንበሩኒ ውስተ አዘቅት ታሕተ፤
ውስተ ጽልመት ወጽላሎተ ሞት፤
ላዕሌየ ጸንዐ መዓትከ፡፡ /በ ዕለት/
111. /መዝ. 12/13/፡3-4/
ነጽረኒ ወስምዐኒ እግዚኦ አምለኪየ፤
አብርሆን ለአዕይንትየ ከመ ኢይኑማ ለመዊት፤
ወከመ ኢይበሉኒ ጸላእትየ ሞዕናሁ፡፡ /በ ዕለት/
112. /መዝ. 30/31/፡4-5/
እስመ አንተ ረዳእየ እግዚኦ፧
ውስተ እዴከ አመሐፅን ነፍስየ፤
ቤዝወኒ እግዚአብሐር አምላከ ጽድቅ፡፡ /በ ዕለት/
113. /መዝ. 30/31/፡12-13/
ቀብጹኒ እምልብ ከመ ዘሞተ፤
ወኮንኩ ከመ ንዋይ ዘተኀጉለ፤
እስመ ሰማዕኩ ደምፀ ብዙኃን እለ ዐገቱኒ ዐውድየ፡፡
114. /መዝ. 77/78/፡38/
ውእቱሰ መሐሪ ውእቱ፤
ወይሰሪ ሎሙ፤ ኵሎ ኃጢአቶሙ፤
ወኢያጠፍኦው ወያበዝኅ መዪጠ መዓቱ፡፡
115. /መዝ. 143/144/፡3-4/
እግዚኦ ምንትኑ ውእቱ ሰብእ ከመ ታስተርኢ ሎቱ፤
ወእጓለ እመሕያው ዘተሐስቦ፤
ሰብእሰ ከንቱ ይመስል፤
ወመዋዕሊሁኒ ከመ ጽላሎት የኀልፍ፡፡
116. ዘልብ
ልበ ንጹሀ ፍጥር ሊተ እግዚኦ፤
መንፈሰ ርቱዓ ሀድስ ውስተ ከርስዬ፤
ኢትግድፈኒ እም ቅድመ ገጽከ፡፡